“Gratë sipërmarrëse”, në 2016-ën fondi 10 milion lekë, në garë futen edhe bankat
Qeveria shqiptare rishikoi skemën për financimin e grave sipërmarrëse, duke qenë se gjatë vitit të kaluar nuk pati aplikime për të përfituar nga fondi ( kredi) që ishte vënë në dispozicion. Pjesë e skemës janë bërë edhe bankat e nivelit të dytë, krahas instituciuoneve mikro-jobankare. Shkak për mungesën e aplikimeve ishin normat e larta të huadhënies.Fondi i miratuar për vitin 2016 është 10 milionëlekë dhe ka për qëllim subvencionimin e 50% të normës së interesit të kredive për ndërmarrjet e vogla dhe të mesme, të cilat drejtohen nga gratë pronare apo administratore. Kjo normë do të mbulohet për një periudhë deri në 4 vite për një shumëjo më të madhe se një milion lekë për një kredi.Ku 50% e normës së interesit mbulohet nga agjencia dhe 50% nga klienti. Agjencia Shqiptare e Zhvillimit të Investimeve ( AIDA) ka nisur procesin e organizimit të negociatave me bankat e nivelit të dytë, me qëllim zbatimin e strategjisë ‘Për suportin ndaj Grave Sipërmarrëse’.
Sipërmarrëset për të përfituar nga këto fonde duhet t’i përkasin sektorëve, si: prodhim, fason, turizëm, kërkim dhe zhvillim, agropërpunim dhe arizanat.
Dosja e kredisë duhet të përmbajë këto dokumente :
- Pasqyrat fiannciare të vitit të fundit
- Ekstraktin e QKR-së të muajit të fundit, në kohën që do të bëhet aplikimi
- Planin e detajuar të biznesin
- Deklarimin në tatimeve të punonjësve me sigurime shoqërore
- Ekstraktin historik të kredimarrjes
- Listën e produkteve që prodhon
Do të jetë AIDA insitucioni që do të monitorojë ecurinë e të gjithë procesit, si dhe në momentin e disbursimit të kredisë do të ndjekë planin e shlyerjes.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.