I arrestuar në Itali për drogë, i konfiskohet pasuria në Shqipëri

Policia e Dibrës ka konfiskuar pasuritë e një 33-vjeçari. Eduart Hajdini, nga fshati Gurrë e Vogël e Dibrës është arrestuar në Itali për trafik droge.

Burime zyrtare të policisë thonë se ka nisur procedim pasuror ndaj këtij personi.

Eduart Hajdini, rezident në Ferrentino, në Itali, është arrestuar për trafikim të lëndëve narkotike. Materialet i kaluan Prokurorisë për Krimet e Rënda, për veprën penale “Parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë”.