Ish-bashkëpuntori i Berishës e Bashës: Kjo PD nuk ngjall shpresë
Kuvendi Kombëtar i PD-së ka lënë të pakënaqur shumë demokratë.
Mes tyre është edhe ish-këshilltari i Sali Berishës, Flamur Kuçi.
Ai ka thënë se Kuvendi i PD-së më shumë ka qenë informal.
Duke folur për “Top Story”, Kuçi tha se kjo PD nuk ngjall shpresë.
“Nuk jam i kënaqur me kursin që po ndjek PD. Pas një viti, PD nuk ka filluar të ngjallë shpresën te mbështetësit.
Kjo nuk vjen me një Kuvend, që ishte më shumë informal se formal.
Nuk mjafton një fjalim i kryetarit të partisë, duhet parë produkti që solli.
Ka një seri shkeljesh të rregullave dhe statusit të partisë. Delegatët nuk janë thirrur sipas rregullave të statutit. Nuk është një aspekt teknik dhe procedurial”, tha Flamur Kuçi.
Ky i fundit ka qenë dhe një nga bashkëpunët më të afërt edhe të kryebashkiakut Basha në fushatën e vitit 2011 dhe hartimin e planit urbanistik të Tiranës, përveç faktit që ka qenë këshilltar i Berishës.
