Këngëtari Bujar Qamili shtron iftar për komunitetin shkodran

 Kengetari i njohur shkodran, Bujar Qamili, në këto ditë të Muajit të Madhnueshëm i Ramazanit, ka shtruar mbremjen e se shtunes iftar per komunitetin  shkodran.
“Ishte një iniciative e imja personale e nisur dhjetë vite më parë, të cilen kam bindjen se do të vijoj ta organizoj për sa të jetoj”, u shpreh për ATSH-në këngëtari Bujar Qamili.

Sipas tij, me talentin dhe sukseset e vazhdueshme të pasur gjatë karrieres së tij artistike, brenda dhe jashtë vendit, emocionet kanë qënë nga më ndryshmet, por kënaqësinë që ai ndjen në shtrimin e këtyre iftarëve, nuk e ka përjetuar askund tjetër. “Më besoni, jam shumë i lumtur dhe thellësisht i plotësuar në vetveten time, kur kaloj ato çaste të ngrohta me miqtë e mi që më nderojnë në iftar. Besimi në Zotin dhe dashuria për tjetrin, janë ato që spikasin edhe më shumë në këto ditë të Muajit të Madhnueshëm të Ramazanit”, thote ai.
Për teologun Arben Halluni, njëkohësisht në detyrën edhe të zv/myftiut të Shkodrës, i pranishëm në këtë Iftar, veprimi i këngëtarit të mirënjohur Bujar Qamili duhet vlerësuar si një akt i madh qytetarie, që ashtu sikur e karakterizon atë në jeten e tij të përditshme, edhe në këto ditë të Muajit të Ramazanit, ai bëhet protagonist duke krijuar një traditë më vete në respektin që tregon ndaj komunitetit duke i ftuar për të dhjetin vit me radhë në Iftar.