Analizë përmes shifrave dhe formacioneve, portali i njohur “shpall” fituesin e Poloni-Shqipëri

Portali i mirënjohur sportiv “goal.com”, duke hulumtuar mes shifrave dhe statistikave, del në përfundimin e shumëkujt, në fakt, se Polonia është favorite absolute për të fituar sonte në Varshavë. Ja shkrimi i plotë i tij: “Polonia humbi vetëm një nga 8 ndeshjet kualifikuese për Kupën e Botës 2026, në fazën e grupeve. Shqipëria shënoi vetëm 7 gola në 8 ndeshje kualifikuese. A mund të avancojnë Lewandowski dhe shokët në finalen e “playo ff-it”? Nëse po, do të përballen me Suedinë ose Ukrainën në Valencia ose Solna, javën e ardhshme.

Analiza jonë, forma e ekipeve
Polonia luan në shtëpi dhe vjen pas një fushate të fortë kualifikuese me 17 pikë, megjithëse mbeti pas Holandës në grup. Pësoi vetëm 7 gola, por do të ketë mungesën e Zalewskit (i pezulluar). Kaminski pritet të ndihmojë Lewandowskin në sulm. Shqipëria u rendit e dyta pas Anglisë, me vetëm 5 gola të pësuar, por edhe vetëm 7 të shënuar. Do të mungojë Rey Manaj (i dëmtuar), zëvendësuar nga Uzuni, pranë Brojës.

Formacionet e mundshme
Polonia: Grabara, Kiwior, Skoras, Ziolkowski, Kedziora, Zielinski, Moder, Cash, Kaminski, Szymański, Lewandowski
Shqipëria: Strakosha, Ajeti, Mitaj, Hysaj, Djimsiti, Shehu, Asllani, Laçi, Hoxha, Broja, Uzuni

Lewandowski mbetet kyç dhe mund të shënojë i pari. Si kapiten, kjo mund të jetë mundësia e fundit për një turne të madh. Ka 11 gola në 24 ndeshje me Barcelonën dhe 4 në 7 ndeshje me Poloninë. Polonia ka mesatare më pak se 1 gol të pësuar për ndeshje, ndërsa Shqipëria më pak se 1 gol të shënuar. Për këtë arsye, pritet fitore për vendasit.

Shqipëria ka fituar vetëm 1 nga 12 përballjet direkte me Poloninë, që nga viti 1970, dhe fituesi e ka mbajtur portën e paprekur në 3 përballjet e fundit. Nëse Polonia shënon e para, një fitore me diferencë dy golash bëhet shumë e mundshme. Avantazhi i fushës dhe efikasiteti ofensiv (14 gola në 8 ndeshje) e bëjnë këtë skenar të besueshëm”.

The post Analizë përmes shifrave dhe formacioneve, portali i njohur “shpall” fituesin e Poloni-Shqipëri appeared first on Telesport.