Kim tregon tmerrin e grabitjes së Parisit

Kim Kardashian ka kujtuar e emocionuar momentin e tmerrshëm të grabitjes në Paris në episodin e sezonit të 13 të “Keeping Up With The Kardashians”.

Në videon e publikuar, nëna e North dhe Saint, shihet teksa shpërthen në lot kur kujton momentin se si ajo i ishte lutur grabitësve që ta linin të jetonte.

“Ata më kërkuan para, por unë iu thash se nuk kisha asnjë. Ata më tërhoqën zvarrë në korridor deri në fillim të shkallëve. Pastaj pash një pistoletë. Njëherë shikoja armën dhe njëherë shikoja shkallët. Në momentin që më bllokuan gojën, pash armën”. “Ju lutem, më lini të jetoj, unë kam një familje”, i ishte drejtuar Kim, grabitësve.