Kocijancic tregon se kur do të vendoset për takminin e radhës Thaçi-Vuçiq
Zëdhënësja e Komisionit Evropian, Maja Kocijancic, ka folur pas dështimit të takimit të sotëm ndërmjet presidentit të Kosovës, Hashim Thaçi, dhe atij të Serbisë, Aleksandër Vuçiq.
Në një reagim në llogarinë e saj në Twitter, thuhet se takimi tjetër do të caktohet përafërsisht në fund të muajit shtator.
“ Besojmë në angazhimin e plotë të të dy presidentëve për të vazhduar punën e tyre drejt arritjes së një marrëveshje të detyrueshme ligjore. Takimi tjetër i nivelit të lartë do të vendoset në fund të këtij muaji”, thuhet në reagimin e lëshuar Kocijancic, trasnmeton Gazeta Express.
Ndryshe sot në Bruksel, të dy liderët, Thaçi dhe Vuçiq, kanë zhvilluar takime të ndara me përfaqësuesen e lartë të BE-së, Federica Mogherini.
Vuçiq ka anuluar takimin e tij me Thaçin, dhe është nisur për në Beograd. Ky anulim i vizitës duket se ka ardhur si pasojë e vendimit të autoriteteve kosovare që Vuçiçit t’i ndalohet vizita në Liqenin e Ujmanit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.