Kodet e kokainës, dyshohen rreth 20 porositës, në vëzhgim disa grupe të fuqishme

Policia e Shtetit finalizoi dy ditë më parë një super-aksion gjatë të cilit u sekuestrua një sasi rekord prej 613 kilogramësh kokainë. Kjo ëhstë sasia më e madhe e kapur ndonjëherë nga policia shqiptare gjatë një operacioni të vetëm.

Uniformat blu arrestuan menaxherin e kompanisë “Arbri Garden”, e cila kishte bërë porosinë për kontejnerin me banane si dhe shoferin e kompanisë “Pelikani Transport”.

Të dy këta persona mohuan se kishin dijeni për sasinë e drogës ndërkohë edhe pronari i kompanisë “Arbri Garden”, deklaroi nga Gjermania për mediat se nuk ka dijeni për drogën, pasi ai kishte porositur kontejnerin me banane.

Paralelisht me hetimin e këtij biznesmeni, policia dhe prokuroria po kryejnë veprime edhe ndaj personave të tjerë të dyshuar për trafikun. Bëhet fjalë për grupe të përshirë në trafikukn e drogës të skekduara nga policia.

Dyshimet e policisë flasin për rreth 20 porositës për sasinë e drogës e cila më pas do shpërndahej në tregun evropian.

Dyshimet përforcohen edhe me faktin se pakot e drogës mbajnë kode të ndryshme. Sipas hetuesve, secili nga porositësit duhej të merrte pakot me kodin e vendosur..

Grupi hetimor tregohet i rezervuar për personat e dyshuar, por bëhet me dije se nën vëzhgim janë disa grupe të fuqishme të trafikut në vend dhe Evropë.