Komentet e mediave gjermane: Shqipëria gëzon mbështetjen e Gjermanisë për në BE

Vizita e një dite më parë e kancelares Angela Merkel në Shqipëri është pasqyruar në faqet medias gjermane.

Një prej gazetave më të rëndësishme për ekonominë, “Handelsblatt”, shkruan se “Shqipëria mund të mbështetet tek Gjermania për anëtarësimin në BE” dhe kjo sipas saj u vërtetua gjatë vizitës së kancelares në Tiranë.

Kjo gazetë citon zonjën Merkel, e cila tha se, “progresi i bërë nga Shqipëria tashmë është gjerësisht i njohur”. “Shqipëria mori mbështetjen e Gjermanisë drejt rrugës së dëshiruar në Bashkimin Europian”, shkruhet më tej në artikull.

Gazeta “Handelsblatt” e vë theksin në deklaratën e Merkel se, “bashkëpunimi ekonomik Gjermani-Shqipëri duhet të intensifikohet, por kërkohet të ndërtohet një sistem ligjor i besueshëm për invesitorët”.