Bota
Konfirmohet vdekja e Prigozhin nga testi gjenetik në Moskë
Konfirmohet vdekja e shefit të Wagner Yevgeny Prigozhin, pas analizës gjenetike të trupave të gjetur në rrëzimin e avionit.
Komiteti Hetues tha se identitetet e të 10 viktimave ishin vërtetuar dhe korrespondonin me ato në listën e pasagjerëve të fluturimit.
Avioni privat i Prigozhin u rrëzua në veri-perëndim të Moskës më 25 gusht, duke vrarë të gjithë ata që ishin në bord.
“Si pjesë e hetimit për rrëzimin e avionit në rajonin Tver, janë përfunduar testet gjenetike molekulare. Në bazë të rezultateve të tyre, u përcaktuan identitetet e të dhjetë personave të vdekur, ata korrespondojnë me listën e përmendur në fletën e fluturimit”, thuhet në njoftimin e Komitetit Hetues.
Kremlini ka mohuar spekulimet se ishte fajtor për rrëzimin.
