Politika
Kryemadhi i kundërpërgjigjet Gazment Bardhit për listën e përbashkët: Mashtrim pervers, i shërben vetëm Ramës
Në Open në Top Channel, Sekretari i Përgjithshëm i PD-së, Gazment Bardhi u shpreh se PD i ka ofruar 15 mandatë LSI-së për të dalë në një listë të vetme, në mënyrë që të maksimalizonin votën. Sipas Bardhit kjo nuk është pranuar nga LSI e cila pretendonte se do merrte 34 mandate e vetme.
Pas kësaj deklarate në Open ka ardhur edhe reagimi i Monika Kryemadhit. Në një status në Facebook, Kryemadhi hodhi poshtë deklaratën e Bardhit. Këtë deklaratë ajo e quan mashtrim pervers që kalon çdo limit njerëzor dhe që i shërben vetëm Ramës dhe hijes së tij.
Statusi i plotë i Kryemadhit:
Një pyetje për të gjithë anëtarët e kryesisë së PD: Kur është mbledhur kryesia e PD për t’i propozuar LSI listën e përbashkët? Në cilën ditë dhe orë? Listës së mashtrimit, që për djegien e mandateve do t’i dilte në krah kancelarja Merkel dhe PPE, iu shtua tashmë publikisht edhe kjo e 15 mandateve të ofruara. Një mashtrim pervers që kalon çdo limit njerzor dhe që i shërben vetëm Ramës dhe hijes së tij.
