Kuvendi miraton buxhetin e shtetit për 2016

Kuvendi i Republikës së Kosovës miratoi pak më parë buxhetin e shtetit per 2016 në vlerë prej 1 miliard e 680 milionë euro, me 78 vota pro, asnjë kundër e asnjë abstenim, ndërsa qeveria e ka miratiar në 30 tetor.

Shqyrtimi i dytë i projektligjit për buxhetin e republikës së Kosovës për vitin 2016 është një nga 28 pikat e axhendës.

Qeveria e Kosovës vlerëson se projektligji për buxhetin 2016, reflekton përkushtimin për adresimin e objektivave zhvillimore dhe përmirësimin e vazhdueshëm të mirëqenies për qytetarët duke qenë plotësisht në harmoni edhe me Fondin Monetar Ndërkombëtar.

Kuvendi i Kosovës prej gati tre muajsh, nga fillimi i sesionit vjeshtor me seancën e 17 shtatorit, bllokohet nga opozita, në kundërshtim të 4 marrëveshjeve të 25 gushtit me Serbinë dhe marrëveshjes së demarkacionit me Malin e Zi, edhe me gjuajtje gazi lotsjellës në seanca e jashtë tyre, pas të cilave zhvillime ka pasur 7 deputetë opozitarë të arrestuar e nje pas disa orësh qëndrimi në Polici dhe Prokurori, është liruar me procedurë të rregullt.

Seanca  e sotme është ftuar nga Kryesia e Kuvendit  përkundër kundërshtimit të opozitës së bashkuar, e cila ka paralajmëruar se do vazhdojë me pamundësimin e zhvillimit të seancave plenare.

Kuvendi i Kosovës këtë javë do do mblidhet edhe në një seancë tjetër në 17 dhjetor, ku presidentja e Republikës, Atifete Jahjaga, do të mbajë fjalimin vjetor para deputetëve. Sipas deklaratave, opozita nuk do ta pengojë këtë seancë, megjithatë mund të japë mesazhet e saj me ndonjë “aksion politik” të parë edhe më herët në seanca të veçanta-solemne, ku deputetë opozitarë aty ku ishin ulur kanë shpalosur parulla me slogane.