Kuvendi miraton me 76 vota ndryshimet në buxhet

Kuvendi i Shqipërisë miratoi sot me 76 vota aktin normativ të qeverisë për rishikimin e buxhetit 2014. Ky akt synon arritjen e tre objektivave të rëndësishëm. Ai zgjidh përfundimisht çështjen e financimit të paaftësisë me rreth 4.3 miliardë leke; rrit ndjeshëm nivelin e realizimit të projekteve të investimeve publike me financim të brendshëm në masën rreth 8.7 miliardë leke; si dhe ul nivelin e deficitit buxhetor nga 6.6 % e PBB, në 6.3% të PBB.