Lajçak i shkruan Thaçit, nuk përmend afate për marrëveshje e as njohjen nga Serbia

Miroslav Lajçak i cili është caktuar si Përfaqësues Special i BE’së për dialogun Prishtinë-Beograd, i ka shkruar letër kreut të shtetit të Kosovës, në të cilën ka shprehur gatishmërinë e tij për t’u marrë me procesin, megjithatë ndryshe nga amerikanët, Lajçak në letrën e dërguar Thaçit s’ka përmendur ndonjë afat për arritjen e marrëveshjes finale e as çështjen e njohjes së pavarësisë së Kosovës nga Serbia.

Emisari i Bashkimit Evropian për dialogun Kosovë-Serbi, Miroslav Lajçak, i ka dërguar letër presidnetit të Kosovës, Hashim Thaçi, përmes së cilës ka shprehur gatishmërinë e tij të punoj me kreun e shtetit sa i përket cështjes së negociatave.

Lajçak në ketë letër ka thënë se ëmërimi i tij në pozitën e Përfaqësuesit Special për dialogun Prishtinë-Beograd është një tregues i rifillimit të angazhimit të Brukselit sa i përket bisedimeve.

Tutje diplomati sllovak ka thënë se do të punojë në mënyrë të palodhshme për të avancuar procesin e dialogut, ndërkohë thotë se një çasje të njejtë e pret edhe nga Prishtina dhe Beogradi.