Libani dhe Izraeli takohen në Uashington për të kërkuar zgjatjen e armëpushimit

Izraeli dhe Libani do të zhvillojnë një raund të ri bisedimesh në Uashington këtë të enjte, ku Bejruti synon të kërkojë një zgjatje njëmujore të

Izraeli dhe Libani do të zhvillojnë një raund të ri bisedimesh në Uashington këtë të enjte, ku Bejruti synon të kërkojë një zgjatje njëmujore të armëpushimit që pritet të skadojë brenda pak ditësh.

Para takimit, Izraeli deklaroi se nuk ka “mosmarrëveshje serioze” me Libanin dhe i bëri thirrje të “punojë së bashku” kundër Hezbollah, grupi i mbështetur nga Irani, i cili nuk merr pjesë në negociata dhe i kundërshton ato.

Dy vendet, që zyrtarisht janë në gjendje lufte prej dekadash, zhvilluan më 14 prill një takim në Uashington — i pari i këtij lloji që nga viti 1993 — në përpjekje për t’i dhënë fund konfliktit më shumë se gjashtëjavor mes Hezbollahut dhe Izraelit.

Amerika njoftoi një armëpushim 10-ditor menjëherë pas takimit të parë, i cili pritet të përfundojë të dielën.

Sipas autoriteteve libaneze, sulmet izraelite ndaj Libanit kanë shkaktuar të paktën 2,454 viktima dhe kanë detyruar rreth një milion njerëz të largohen nga shtëpitë e tyre që nga fillimi i konfliktit.