“Mbetjet”, Blushi: Si po negociohet për 71 vota, Rilindja ka frikë nga kazanët

Deputeti Ben Blushi, kreu i partisë “LIBRA”, teksa kujton se dekreti i Presidenti Nishani që rrëzon importin e mbetjeve nuk shkon as nesër në Kuvend, akuzon Rilindjen se po negocion për disa vota, që të arrijnë 71.

Në një postim në Facebook, Blushi shkruan se “Ata kanë shumë frikë ta votojnë, kanë po aq frikë ta rrëzojnë. Rilindja ka frikë nga kazanët, LSI ka frikë nga Rilindja. Në fakt kanë frikë nga e njëjta gjë”.

Postimi i Blushit

PËR IMPORTIN E MBETJEVE

Dekreti i Presidentit që rrëzon ligjin e importit të mbetjeve nuk vjen as nesër në parlament sic ishte parashikuar.

Rilindja dhe LSI duan ta shtyjnë sepse nuk kanë votat. Po negociojnë disa vende pune derisa të bëhen 71 në Kuvend. Ju kisha thënë miqve ambjentalistë të mos kenë shpresë tek ata që premtuan se do ta rrëzojnë ligjin.

Çfarë partie! Kanë shumë frikë ta votojnë, kanë po aq frikë ta rrëzojnë. Rilindja ka frikë nga kazanët, LSI ka frikë nga Rilindja. Në fakt kanë frikë nga e njëjta gjë.

Megjithatë edhe kaq është një fitore e vogël: ligj për importin e mbetjeve nuk ka! Ose më saktë importi i mbetjeve lejohet, pa ligj, vetëm në një pjesë të territorit të vendit: në Kuvendin e Republikës së Shqipërisë!