Mbledhje e përbashkët mes dy qeverive: 13 marrëveshjet e nënshkruara mes Shqipërisë e Kosovës
Ministri i Jashtëm në detyrë, Gent Cakaj dhe ministrja për Punët e Jashtme dhe Diasporën, Meliza Haradinaj Stublla nënshkruan marrëveshjen për vlerësimin e krijimit të fondit të përbashkët në mbështetje të Luginës së Preshevës.
Ministrja e Mbrojtjes, Olta Xhaçka dhe ministri i Brendshëm i Kosovës, Agim Veliu nënshkruan marrëveshjen për bashkëpunim dhe ndihmë të ndërsjellë në raste fatkeqësish natyrore dhe fatkeqësive të tjera.
Ministri i Brendshëm, Sandër Lleshaj dhe homologu nga Kosova, Agim Veliu nënshkruan protokollin për ndryshim dhe shtesë në marrëveshjen për bashkëpunim të ndërsjellë në fushën e sigurisë.
Ministrja e Financave dhe Ekonomisë, Anila Denaj dhe ministrja e Financave dhe Ekonomisë, Hykmete Bajrami nënshkruan protokollin ndryshues të marrëveshjes së bashkëpunimit për shmangien e tatimit të dyfishtë lidhur me tatimet mbi të ardhurat dhe mbi kapitalin dhe për parandalimin e evazionit fiskal.
Denaj po ashtu nënshkroi me ministrin e Punës dhe Mirëqenies Sociale, Skënder Reçica marrëveshjen për bashkëpunim për mobilitetin në punë.
Ministrja e Infrastrukturës dhe Energjisë, Belinda Balluku dhe ministri i Ekonomisë dhe Ambientit, Blerim Kuçi nënshkruan memorandumin për bashkëpunim në krijimin e korridorit dixhital 5G, dhe lehtësimin e lëvizjes në të ardhmen.
Në fushën e arsimit ministrja e Arsimit, Sportit dhe Rinisë, Evis Kushi dhe ministrja e Kulturës, Rinisë dhe Sporteve, Vlora Dumoshi nënshkruan memorandumin për bashkëpunim për themelimin e ligës së përbashkët të basketbollit ndërmjet dy Federatave të Basketbollit.
Ministrja Evis Kushi së bashku me ministrin e Arsimit dhe Shkencës, Ramë Likaj nënshkruan edhe memorandumin për bashkëpunim për platformën e përbashkët dixhitale të arsimit parauniversitar.
Në fushën e kulturës, ministrja e Kulturës, Elva Margariti dhe ministrja e Kulturës, Rinisë dhe Sporteve të Kosovës, Vlora Dumushi nënshkruan marrëveshjen për krijimin e kalendarit të përbashkët kulturor vjetor, si dhe marrëveshjen për bashkëprodhim të filmit.
Në fushën e shëndetësisë, ministrja e Shëndetësisë dhe Mbrojtjes Sociale, Ogerta Manastirliu dhe ministri i Shëndetësisë së Kosovës, Armend Zemaj nënshkruan protokollin shtesë të marrëveshjes së bashkëpunimit në përballje me COVID-19.
