Mbrojtja në arbitrazh kundër Francesko Bechetit, qeveria paguan rreth 2 mln euro studion ligjore

Qeveria shqiptare me vendimin e datës 9 dhjetor 2015 ka lëvruar një fond prej rreth 2 mln euro, si pagesë shërbimi për një studio ligjore që do të përfaqësoje shtetin shqiptar në proceset gjyqësor kundër italianit Francesko Beketi në Arbitrazh.

Sipas këtij vendimi, studios avokatore i janë paguar 1 milion e 950 mijë euro, shifër kjo më e larta e paguar ndonjëherë nga shteti shqiptar për studiot ligjore.

Në vendimin e publikuar gjatës ditës së djeshme në Fletoren zyrtare, thuhet ndër të tjera se Këshilli i Ministrave vendosi autorizimin e ministrisë së energjisë dhe industrisë nëpërmjet avokaturës së shtetit të lidh kontratë me firmën avokatore “Wragge Lawrence Graham & Co LLP” e cila është përzgjedhur nga Avokatura e Shtetit përmes një procedure konkurimi. Kjo studio ligjore do të përfaqësoje shtetin shqiptar në dy çështje në arbitrazh, atë të inicuar nga persona fizike ose juridik dhe pjesëtarë të grupit Becheti”, thuhet në vendim.

Burimet nga avokatura e shtetit thonë se Becheti e ka paditur shtetin shqiptar në tre procese të ndryshme në arbitrazh ku kërkon rreth 400 mln euro dëmshpërblim.

Ndërkohë sot nis procesi gjyqësor në Shqipëri ndaj Bechetit dhe bashkëpunëtorëve të tij.