Michael Roth të hënën për vizitë në Maqedoni

Ministri gjerman, kompetent për Evropën, në Ministrinë e punëve të jashtme në Gjermani, Michael Roth më 1 dhe 2 shkurt do ta vizitojë Maqedoninë, njoftuan nga Ambasada gjermane në Shkup.

‘Ai do të informohet për gjendjen e brendshme politike, si dhe për problematikën e krizës së refugjatëve. Parashikohen bisedime me përfaqësues të Qeverisë dhe opozitës, shoqërisë civile dhe organizatave joqeveritare, që janë aktive në fushën e të drejtave të njeriut, përkrahjen e refugjatëve, popullatën rome dhe komunitetin-LGTB në Maqedoni’, thuhet në njoftim.

Është parashikuar që ministri shtetëror Roth të marrë pjesë edhe në debatin publik me studentë nga Universiteti ‘Shën Cirili dhe Metodij’ në Shkup.