Ministri Letonez nga Prishtina kritikon Serbinë

Edgars Rinkevics, ministër i Punëve të Jashtme i Letonisë gjatë një konference për Media me ministrin e Integrimeve Evropiane, Bekim Çollaku ka thekuar se deklaratat e fundit për moslejimin e vizitës së zëvendëskryeministrit Thaçi në Beograd janë kundër dialogut që po zhvillohet.

Sipas tij, deklarata të tilla nuk e ndihmojnë procesin e normalizimit të marrëdhënieve ndërmjet Kosovës dhe Serbisë.
“Politikanët në të dy anët duhet të përmbahen me deklarata të tilla”, ka theksuar ministri Rinkevics, pas pyetjeve të gazetarëve, përcjell MPJ.

Ministrin e Letonisë është pritur sot nga ministri i Integrimit Evropian, Bekim Çollaku dhe zëvendësministri i Punëve të Jashtme, Petrit Selimi.