MSH e konfirmon: 80-vjecarja në Shkodër vdiq nga koronavirusi. Shkon në 20 numri i viktimave
Ministria e Shëndetësisë në përditësimin e fundit bëri me dije se numri i viktimave të koronavirusit në Shqipëri është 20 persona.
Drejtoresha e Institutit te Shëndetit Publik, Albana Fico tha se mbrëmjen e djeshme është regjistruar një tjetër rast, por kësaj here në Shkodër. Bëhet fjalë për një 80-vjecare e cila ka shkuar në spital në gjendje të rëndë shëndetësore.Ajo ka humbur jetën mbrëmë vonë, ndërkohë që pas testimit ka rezultuar positive me COVID 19.
“Ju informojmë se gjatë mbrëmjes së djeshme afër mesnatës se një 80-vjeçare nga Shkodra ka ndërruar jetë në Spitalin Rajonal të Shkodrës. E moshuara ishte paraqitur mëngjesin e datës 4 Prill në spital. 80-vjeçarja u izolua si e dyshuar me COVID dhe i janë bërë të gjitha ekzaminimet e duhura. E moshuara ishte vendosur menjëherë në terapi intensive. Në mbrëmje ka dalë përgjigjia e analizave, pozitive me COVID-19”,- thuhet ne njoftimin e MSH.
Për shkak të gjendjes së rënduar shëndetësore transporti ka qenë i pamundur dhe afër mesnatës e moshuara ka ndërruar jetë. Ministria e Shëndetësisë dhe Mbrojtjes Sociale i shpreh ngushëllimet familjes të të ndjerës.
