Negociatat mes Turqisë dhe Greqisë/ Burime ekskluzive: Opsion takimi edhe Tirana, ja për çfarë do diskutohet…

Marrëveshja kulmon me demilitarizimin e ishujve të Egjeut dhe palët mbyllin çështjen e demilitimit, në një formulë të ndërmjetme që përmban vijë mesi dhe 12 milje ku lejohet, por edhe terma teknikë të ngjashëm me marrëveshjen greko-italiane, pra, që do të lejojë peshkimin në afërsi me ujërat greke, për peshkatarët turq.

Duket se ka vullnet për ta përfunduar. Në çdo rast, palët kanë marrë autorizimet dhe do të nisin direkt negociatat. Ideja është që të avancohet  atje ku mundet dhe temat që mbeten hapur, të rinegociohen. Është një proces që do dojë të paktën 2 vjet, duke pasur parasysh dyshimet se me gjasa Greqia do të ketë zgjedhje të parakohshme brenda pranverës së këtij viti.

Kujtojmë se së fundmi ka qenë Kryeministri Edi Rama i cili i ka bërë ftesë palës greke dhe turke dhe ndërmjetësoi për këtë takim. Ministri turk Cavusoglu tha se do shkonte në Tiranë dhe shpresonte që ftesën ta pranojë edhe ministri grek Dendias.

Ka qenë vetë ministri i jashtëm turk, Mevlut Cavusoglu, i bëri Greqisë një ofertë zyrtare për të rifilluar bisedimet mbi pretendimet e tyre në Mesdhe.

Ndërkohë për sa u përket negociatave teknike mes dy vendeve është rënë dakord që palët të takohen më 25 janar në Stamboll.