Norvegjia, vendi më i mirë për t’u plakur

Norvegjia është vendi më i mirë për të jetuar për moshën e tretë.

Në Ditën Ndërkombëtare të të Moshuarve, 1 tetor, Kombet e Bashkuara kane publikuar një studim ku janë përfshirë 96 vende.

Indeksi që mat mirëqenien sociale dhe ekonomike të personave mbi 60 vjeç ka bërë matje në katër fusha: sigurinë e të ardhurave, shëndetësinë, aftësinë personale dhe përshtatshmërinë e mjedisit nga ka rezultuar se vendi ku kjo moshë jeton më mirë është Norvegjia.

Menjëherë pas Norvegjisë, raporti radhit Suedinë, Zvicrën, Kanadanë dhe Gjermaninë, ndërsa në fund Afganistanin.

Sipas këtij studimi në vitin 2050, 21 për qind e popullsisë globale do të jetë mbi 60 vjeç.