Komisioni i Pavarur i Kualifikimit, KPK ka zhvilluar sot një seancë dëgjimore me subjektin e rivlerësimit Blerim Tominaj, prokuror në Prokurorinë e Krimeve të Rënda.
Prokurori Tominaj iu nënshtrua vetingut për tri kriteret e këtij procesi, atë ligjshmërisë së pasurisë, kriterin etik dhe profesional.
Trupa Gjykuese e Komisionit të Pavarur të Kualifikimit e përbërë nga Genta Tafa (Bungo), Etleda Çiftja, Suela Zhegu pas analizimit të provave dhe fakteve, vendosi shkarkimin nga detyra të prokurorit Tominaj për mos justifikim të pasurisë.
Blerim Tominaj e nisi karrierën në sistemin e drejtësisë në vitin 1993 dhe punoi për më shumë se një dekadë si prokuror në Prokurorinë e Tiranës.
Në vitin 2014, ai u emërua zv.drejtues i ish-Prokurorisë së Krimeve të Rënda dhe aktualisht ishte komanduar si prokuror në Prokurorinë e Tiranës.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.