Operacionet ushtarake me Iranin, Izraeli porosit 200 mln dollarë municione ajrore

Ministria e Mbrojtjes e Izraelit ka finalizuar një marrëveshje me vlerë rreth 200 milionë dollarë për furnizimin me municione të përparuara ajrore nga

Ministria e Mbrojtjes e Izraelit ka finalizuar një marrëveshje me vlerë rreth 200 milionë dollarë për furnizimin me municione të përparuara ajrore nga kompania Elbit Systems, në kuadër të operacioneve ushtarake dhe tensioneve me Iranin.

Në një deklaratë, Elbit theksoi “udhëheqjen teknologjike në sistemet e armëve të lëshuara nga ajri” dhe u shpreh krenare për partneritetin afatgjatë me Ministrinë e Mbrojtjes së Izraelit. Sipas kompanisë, këto municione kanë qenë ndër faktorët kyç që kanë kontribuar në superioritetin ajror të forcave ajrore izraelite.

Ministria izraelite e Mbrojtjes bëri të ditur se marrëveshja, e udhëhequr nga drejtoria e saj e prokurimit, synon të rrisë atë që e quan “pavarësi në armatim” dhe të përforcojë gatishmërinë për skenarë të menjëhershëm luftimi, si dhe për një periudhë të gjatë sfidash në siguri.

Ministri i Mbrojtjes, Israel Katz, deklaroi se kjo marrëveshje është pjesë e përpjekjeve për të forcuar më tej pavarësinë e Izraelit në furnizimin me municione.