Parashikoi shpërbërjen e Bashkimin Sovjetik, tani flet për rënien e SHBA-së
Në vitin 2020 Shtetet e Bashkuara do të vuajnë një kolaps të përgjithshëm si rezultat i presidencës së Donald Trump, thotë sociologu norvegjez Johan Galtung.
Sipas gazetës “The Independent”, në të kaluarën disa nga parashikimet e Galtung, si shpërbërja e Bashkimit Sovjetik apo protestat e Sheshit Tiananmen, janë përmbushur.
Në vitin 2000 sociologu njoftoi se SHBA-të do të kolapsojnë në vitin 2025, por gjatë presidencës së George W. Bush parashikoi një rënie të vendit që në 2020-ën.
Tani Galtung konfirmon parashikimet e tij dhe siguron se mandati i Donald Trump do të përshpejtojë rënien e SHBA.
E përditshmja thotë se fitorja e republikanit në zgjedhjet presidenciale përkon me një nga fazat e fundit të kolapsit të SHBA, që norvegjezi parashikoi në librin e tij ‘The Fall of the American Empire—and then What?” në të cilin parashikon “rritjen e fashizmit”.
Gazeta i lidh këto prognoza me premtimet e Trump në çështjet e emigracionit , veçanërisht për të ndërtuar një mur përgjatë kufirit me Meksikën.
“Rënia ka dy anë”, thotë Galtung. “Vendet e tjera nuk do të pranojnë të jenë aleatë të mirë dhe do të jetë vetë Amerika që do të vrasë, bombardojë nga lartësi të mëdha me dronë të udhëhequr nga kompjuterët nëpër zyra”, thotë norvegjezi.
Megjithatë, ai thekson se është ende shumë herët për të nxjerrë konkluzione mbi veprimet e mundshme të presidentit të sapozgjedhur.
