PD: Daja i ministrit Veliaj me pallat pa leje në Urën Vajgurore

Partia Demokratike, nëpërmjet koordinatorit, Ervin Salianji, në një deklaratë për mediat dhënë të shtunën denoncon ndërtimin pa leje, ku sipas tij, është përfshirë kryetari i Bashkisë së Urës Vajgurore, që është daja i ministrit Veliaj.

Koordinatori për denoncimet në Partinë Demokratike, Ervin Salianji, ishte pranë vendit ku po ndërtohet pallati.“Jemi sot këtu për të denoncuar këtë ndërtim klientelist, korruptiv, që i vendos minat nga themeli shtetit të së drejtës. Kam këtu vendimin e Gjykatës së Apelit të Vlorës, e cila shfuqizon aktin administrativ të njësisë vendore Ura Vajgurore dhe i jep të drejtë Inpektoratit Ndërtimor Urbanistik Kombëtar dhe një personi të tretë, i cili ka kërkuar që ky ndërtim të mos bëhet”, u shpreh Salianji.

Salianji theksoi se “ndërtimi në fjalë ishte kontestuar më parë nga INUK. INUK e fitoi gjyqin me Bashkinë e Urës Vajgurore dhe leja e ndërtimit u shpall e pavlefshme. Vendimi i marrë nga Gjykata e Apelit të Vlorës është i formës së prerë”.