“PD është më keq se një vit më parë”, Basha: U tërhoqa që të mos kishte përçarje, por Berisha vijoi sulmet

Përmes një postimi në Facebook, ish-kryedemokrati thotë se PD sot është më keq se një vit më parë, kur ai u largua nga drejtimi i kësaj force politike.

Ai thotë se pavarësisht se u tërhoq nga kreu i PD-së për të bërë të mundur që të ketë një zgjidhje të problemeve brenda demokratëve, Berisha i cili përfaqëson palën tjetër, vijoi luftën ndaj çdokujt që mendonte ndryshe.

Teksa shprehet se nuk duhet të ketë më përçarje mes demokratëve, Basha ka theksuar se një gjë e tillë forcon kundërshtarin politik, në këtë rast qeverinë e kryeministrit Edi Rama.