PDK: 3 votat tona pro Reformës, por jemi kundër nenit për martesat gay

Partia Demokristiane e Shqipërisë ka deklaruar sot se mbështet Reformën në Drejtësi, por thekson se është kundër nenit për martesat gay.

Në një deklaratë për mediat, kreu i partise Nard Ndoka theksoi se ndryshimet në nenin 12 të Kushtetutes, qe lejon martesat brenda të njejtës gjini, të papranueshme per Demokristianet.

“Tre votat Demokristiane (Ndoka, Mirela Ferracaku e Ndocaj) do jenë kundër ndryshimeve, në nenin 12 të Kushtetutes, qe demton rëndë vlerat e familjës dhe traditën tonë”- thuhet ne dekarate.

Sipa saj, Reforma në Drejtësi duhet të sigurojë një pushtet gjyqësor të pavarur nga politika dhe të pakorruptueshëm, të pranuar dhe votuar nga të gjitha palët në Kuvend.

:Zgjidhja e dhënë nga Komisioni i Venecias, sipas pikes 88, ka mbetur e vetmja pikë për te realizuar konsensusin midis pozitës dhe opozitës. Votimi me 2/3 e zhvlerëson Parlamentin, krijon mekanizëm bllokues, rrit konfliktin politik, i heq mbështetjen e nevojshme politike institucioneve të drejtësisë, duke i bërë vendimet e tyre të kontestueshme”- theksohet ne te.

Partia Demokristiane kërkon që të votohet sa më shpejt Reforma në Drejtësi, duke i kërkuar Ramës, respektimin e rekomandimit 88 të Komisionit të Venecias dhe çlirimin nga komplekset politike.

“Partia Demokristiane e Shqipërisë dhe Deputet e saj në Kuvend, inkurajojne dialogon dhe konsensusin politik duke dhënë një kontribut konstruktiv në këtë drejtim, me qëndrimet dhe votat në Kuvend. Reformë në drejtesi pa opoziten nuk mund të ketë, tendenca për votim të njëanshëm e rrezikshme për standardet që pretendojmë”-perfundon deklarata.