Pesë parti properëndimore krijojnë një koalicion

Pesë parti properëndimore në parlamentin ukrainas ranë dakord sot për të formuar një koalicion, në përvjetorin e parë të protestave në sheshin ”Maidan”.

”Liderët e këtyre partive do të paraqitin një projektmarrëveshje për koalicionin, pasi negociatorët e nënshkruan atë sot në mëngjes”, njoftoi media lokale.

Më 21 nëntor 2013, aktivistët proevropianë filluan një fushatë antiqeveritare pasi kryeministri i kohës, Mykola Azarov njoftoi pezullimin e një marrëveshjeje shumë të rëndësishme me Bashkimin Evropian.

Protestat çuan në rrëzimin e presidentit Viktor Janukoviç duke krijuar destabilitet politik që çoi në një konflikt të dhunshëm mes separatistëve prorusë dhe forcave qeveritare në lindje të vendit.

Pritet që koalicioni i ri të drejtohet nga partia e presidentit Petro Poroshenko, që ka maxhorancën në parlament.

Partia e dytë është ajo e kryeministrit, Arseny Yatsenyuk.

Partitë e tjera të koalicionit do të jenë ”Samopomiç”, partia e ish-kryeministres, Julia Timoshenko ”Fatherland” si edhe Partia Radikale e populistit të djathtë Oleh Ljashko.