Franca kërkon të ulë tensionet me Rubion për shkak të luftës në Iran

Ministri i Jashtëm gjerman, Johan Wadephul tha se ishte në gjendje t’ia bënte të qartë homologut të tij amerikan, Marco Rubio se Gjermania është e gatshme të ndihmojë në Ngushticën e Hormuzit – sapo të mbarojë lufta.

“Gjermania është sigurisht e gatshme, pas përfundimit të armiqësive, të luajë gjithashtu një rol kur bëhet fjalë për sigurimin e trafikut detar në Ngushticën e Hormuzit”, tha ministri gjerman në bisedën e parë dypalëshe me sekretarin amerikan të Shtetit, Rubio –  gjatë takimit të ministrave të Jashtëm të Grupit të Shtatë (G7) në Francë.

Ai shtoi se diskutimet mbi këtë temë pritet të vazhdojnë.

Presidenti amerikan Donald Trump akuzoi Gjermaninë dhe anëtarët e tjerë evropianë të NATO-s se nuk kanë vepruar sipas thirrjeve të tij për të ndihmuar në sigurimin e Ngushticës së Hormuzit, një rrugë kyçe globale e transportit të naftës.

Trump theksoi dje se kishte dëgjuar nga kreu i Gjermanisë se lufta e Iranit “nuk ishte lufta e tyre”.

“Epo, Ukraina nuk është lufta jonë”, tha Trump duke iu përgjigjur këtij qëndrimi.

Wadephul i quajti komentet e Trump mbi qëndrimin e Gjermanisë shumë të papërshtatshme.

Zëdhënësi i qeverisë gjermane, Stefan Kornelius nuk pranoi të komentonte mbi deklaratën e Trump në konferencën javore për shtyp sot në Berlin.

Wadephul përsëriti thirrjen për unitet midis G7-ës, e cila përveç SHBA-së dhe Gjermanisë përfshin Francën, Britaninë e Madhe, Italinë, Japoninë dhe Kanadanë. //a.i/