Plani anti-kanabis, në operacion ushtria dhe SHISH
Qeveria ka hartuar planin për parandalimin e kultivimit të lëndëve narkotike.
Lajmin e bëri të ditur zv/kryeministri Niko Peleshi.
“Bëhet fjalë për një përpjekje të përbashkët institucionale për shkatërrimin e grupeve kriminale aktive për trafikimin e kanabisit”, tha Peleshi pas mbledhjes së qeverisë.
Në përbërje të Task Forcës të kryesuar nga Niko Peleshi dhe këshilltari i kryeministrit për sigurinë, Sandër Lleshi, do të jetë përpos policisë, edhe ushtria, si dhe Shërbimi Informativ Shtetëror.
“Plani është finalizim i një procesi të udhëhequr nga Rama dhe përkrahur nga ndërkombëtarët.
Një grupi i kryesuar nga zv/ kryeministri dhe një grup këshilltarësh i drejtuar nga Sandër Lleshi kanë hartuar planin e masave që do të zbatohet në terren.
Në përbërje të Task Forcës do të jenë institucionet; Policia, Shërbimet Inteligjente, Ushtria, Bujqësia, Mjedisi, Pushteti Vendor në bashkëpunim me ndërkombëtarët.
Masa për zyrtarët që nuk do të mbajnë në kontroll territorin që janë përgjegjës.
Zbatimi i planit kombëtar kundër kanabisit, prioritet i qeverisë. 2017 do të jetë kulm për goditjen e kanabisit në Shqipëri“, tha Peleshi.
Në fund të deklaratës së tij, Peleshi bëri thirrje për bashkëpunim me të gjitha palët politike pa dallim përfshirë edhe opozitën për të luftuar fenomenin e kultivimit të kanabisit në Shqipëri.
