Policia bën “kërdinë”, mbi 1500 gjoba dhe 8 të arrestuar në 24 orë
Gjatë 24 orëve të fundit Policia Rrugore ka vendosur 1553 gjoba, ka pezulluar 25 Leje Drejtimi dhe ka arrestuar 8 drejtues mjetesh.
Në një njoftim për shtyp, policia tha se janë evidentuar dhe ndëshkuar me masë administrative 1553 raste, nga këto: 230 raste për mos-vendosjen e rripit të sigurimit, 224 për përdorimin e celularit, 218 për parakalim të gabuar, 38 për shpejtësi tej normave të lejuara, 37 për mospërdorim të kaskës mbrojtëse.
Ndërsa pjesa tjetër për shkelje të ndryshme si: mosrespektimi i semaforit, parkim i gabuar, mungesë dokumentacioni të mjetit etj.
Ndërkohë, janë pezulluar 25 Leje Drejtimi, prej të cilave 2 për përdorim alkooli, 18 për shpejtësi tej normave të lejuara dhe 5 për mosrespektim semafori.
Në anën tjetër policia ka arrestuar 8 drejtues mjetesh, përfshirë 2 për drejtim mjeti në gjendje të dehur dhe 6 për drejtim mjeti pa Leje Drejtimi.
