Prezantohen të arriturat e projektit me vlerë 1,9 milion euro
Me rastin e përfundimit të projektit të financuar nga BE, “Mbështetje për Kodin Civil dhe të Drejtat e Pronës”, do të organizohet ceremonia përmbyllëse me qëllim të prezantimit të arriturave të këtij projekti me vlerë prej 1,9 milion euro.
Në një njoftim për media thuhet se ky projekt është implementuar nga konzorciumi GIZ International Services.
“Ky projekt ka mbështetur modernizimin/harmonizimin e kornizës ligjore për çështje civile përmes realizimit të një kodi të vetëm civil, me anë të një analize ligjore të plotë dhe gjithëpërfshirëse të legjislacionit aktual mbi pronën”, thuhet në njoftim.
Konferenca do të mbahet sot, 23 qershor, duke filluar nga ora 10:00, në Hotel Sirius, ku do të marrin pjesë ministri i Drejtësisë, Hajredin Kuçi, dhe shefi i Sektorit për Bashkëpunim, Zyra e BE-së, Christof Stock.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.