Profilet e larta në dorë të EULEX-it

Autoritetet ndërkombëtare të ndjekjes nuk kanë treguar se cilat kushte duhet përmbushur që një rrethanë të konsiderohet e jashtëzakonshme, në mënyrë që rastet t’u kalohen prokurorëve të misionit evropian për sundimin e ligjit në Kosovë, EULEX.

Megjithëkëtë, në një dokument zyrtar janë definuar pjesshëm situata të tilla, shkruan sot Koha Ditore.

Është udhëzimi administrativ që përmban përshkrimin, ndarjen e detyrave dhe mënyrën e bashkëpunimit në mes të kryeprokurorit dhe zëvendëskryeprokurorit të Prokurorisë Speciale.

I pari është prokuror vendës, e i dyti prokuror i EULEX-it. Zëvendëskryeprokurori do të jetë ai i cili do të propozojë raste të caktuara që t’iu kalohen ndërkombëtarëve, por vetëm në rrethana të veçanta.