Kronika
Prokurori i Përgjithshëm, Olsian Çela ‘i prerë’ nga Elbasani: S’mund të tolerojmë më luftën mes bandave!
Kryeprokurori Olsian Çela, e ka nisur nga qyteti i Elbasanit turin e takimeve me shtatë Prokuroritë e rretheve.
Në fjalën e tij për mediat Çela foli për një situatë të paprecedentë të krijuar në qytetin e Elbasanit.
Zyrtari i lartë i Prokurorisë, nga Elbasan pranoi se qyteti po kontrollohet nga krimi dhe se prokuroria dhe policia nuk mund ta tolerojnë më që ky qytet të përdoret për të larë hesapet mes bandave, prandaj shtoi se ndaj tyre duhet një përgjigje ekzemplare.
Pjesë nga fjala e Çelës: ”Një qytet nuk mund të kthehet në skenë lufte. Ju inkurajoj të vijoni hetimet. Asnjë kriminel nuk mund të jetë më i fortë se shteti. Hetimet e prokurorisë së Elbasanit të koordinohen me njësitë tjera. Elbasani nuk mund të kthehet në Siçilinë e viteve ’70”
