Protesta e PD-së bllokon rrugët
Policia e Tiranës ka marrë masat për garantimin e rendit dhe sigurisë ditën e nesërme, kur do të zhvillohet protesta e Partisë Demokratike.
Protesta do të nisë në orën 12:00 dhe do të përfundojë në orën 16:00. Marshimi i protestuesve do të bëhet nga bulevardi “Dëshmorët e Kombit” deri te kryqëzimi i rrugës “Ismail Qemali”.
Si pasojë e marshim-protestës, do të ketë bllokime të pjesshme në disa segmente rrugore, si kryqëzimi i bulevardit “Dëshmorët e Kombit” me bulevardin “Zhan D’Ark” dhe kryqëzimi i bulevardit “Dëshmorët e Kombit” me bulevardin “Bajram Curri”.
Gjithashtu, ndalohet qarkullimi i mjeteve dhe parkimi nga kryqëzimi i rrugës “Myslym Shyri” me bulevardin “Dëshmorët e Kombit” deri te kryqëzimi i bulevardit “Dëshmorët e Kombit” me rrugën “Ismail Qemali”, nga ora 12:00 deri në orën 16:00.
