Pushohen hetimet për izraelitin, pajisja nuk përgjonte

Prokuroria e Tiranës ka pushuar hetimet për izraelitin Yoram Frig. Sipas prokurorisë hetimet për shtetasin izraelit u pushuan pasi rezultoi nga ekspertiza e kryer që pajisjet në përdorim të tij nuk realizonin përgjime.

Yoram Frig u ndalua në mars në aeroportin e Rinasit, me një pajisje të sofistikuar për lokalizmin e përgjuesve ambientalë, ka treguar se ishte thirrur në Shqipëri nga një politikan i njohur.

Sipas dëshmisë së Frig, politikani në fjalë dyshonte se i ishin vënë përgjues në ambientet e biznesit të tij dhe për këtë arsye kishte skanuar të gjitha ambientet e biznesit.