Putin: I shqetësuar nga një përshkallëzim i mundshëm i dhunës drejt Azisë Qendrore

Presidenti rus, Vladimir Putin ka shprehur shqetësimin e tij rreth një përshkallëzimi të mundshëm të dhunës në Afganistan, që sipas tij mund të përhapet deri në Azinë Qendrore, një ditë pas njoftimit të mostërheqjes së trupave ushtarake amerikane në vend.

“Situata në Afganistan është qartësisht pranë pikës kritike”, deklaroi Putin gjatë një forumi rajonal të vendeve të ish- Bashkimit Sovjetik në Kazakistan.

“Terroristët e fraksioneve të ndryshme po fitojnë influencë dhe nuk fshehin planet e tyre për zgjerime të mëtejshme. Një prej synimeve të tyre mbetet depërtimi në Azinë Qendrore. Është e rëndësishme për ne të jemi të përgatitur t’i bëjmë ballë këtij skenari”, theksoi ai.

Një ditë më parë, presidenti amerikan Barack Obama njoftoi se trupat e tyre do të qëndrojnë në Afganistan pas vitit 2016, duke hequr dorë nga premtimi i fushatës elektorale për tërheqjen e ushtarëve, e përballur nga rigjallërimi i sulmeve midis forcave afgane dhe talebane