Qeveria e SHBA-së, paisje për policinë kufitare në vlerën mbi 264 mijë $
Në kuadër të Programit EXBS, Program i Qeverisë së SHBA-ve, për kontrollin e Eksporteve dhe Sigurinë e Kufijve, Ambasada Amerikane i dhuroi sot Policisë së Shtetit një sërë pajisjesh në vlerën e mbi 264 mijë dollarëve.
Drejtori e Përgjithshëm i Policisë së Shtetit, Artan Didi, Qeverinë Amerikane të cilët për një periudhë shumë të gjatë kohore, kanë mbështetur Policinë Shqiptare, e sidomos strukturat e Departamentit të Kufirit e Migracionit me pajisje, me donacione të ndryshme.
Didi theksoi faktin se pajisjet e dhuruara do të ndihmojnë policinë për kontrollin e kufirit të gjelbër, me qëllim minimizimin e veprimtarisë kriminale.
Këto pajisje dhe pajisjet, që tashmë gjenden në reparte, siç janë pjesa e pajisjeve të ofiçinës, do të shërbejnë edhe për të mirëmbajtur dhe riparuar mjetet detare si dhe do të shërbejnë edhe për strukturat e ruajtjes së kufirit blu, për repartin Delta, patrullat dhe grupet operacionale, që ruajnë kufirin blu.
Zv/Ambasadori Amerikan në Tiranë, Jardine, duke e cilësuar këtë kontribut si një ndihmë të mëtejshme në forcimin e zbatimit të ligjit në Shqipëri, shprehu vlerësime për forcat e policisë dhe oficerët që marrin përsipër në vendosjen e zbatimit të ligjit në Shqipëri.
Po ashtu, Jardine përgëzoi progresin që Shqipëria ka treguar në zbatimin e ligjit në kufi, si dhe evidentoi punën e deritanishme për sigurimin e kufijve.
Jardine evidentoi se ky donacion është një ndihmë në mbështetje për luftën kundër trafiqeve dhe krimit të organizuar.
Po ashtu theksoi se Ambasada e SHBA-së dhe Programi EXBS janë angazhuar prej shumë vitesh në ndihmën, zhvillimin, forcimin e kapaciteteve në Policinë e Shtetit dhe Policinë Kufitare dhe garantoi mbështetjen e mëtejshme të Ambasadës së Shteteve të Bashkuara dhe programit EXBS, sa i përket policisë kufitare, me synim forcimin e kapaciteteve në luftën ndaj krimit të organizuar dhe çdo lloj krimi.
