Reuters: Gazetarja ruse e akuzuar për spiunazh, arrestohet nga Policia e Kosovës
“Autoritetet e Republikës së Kosovës kanë qenë në dijeni për veprimtarinë e saj por edhe se në disa shtete ajo e ka të ndaluar të hyjë për shkak të veprimtarisë së saj. Me këtë rast, ajo është ndaluar dhe po vazhdon hetimi deri në zbardhje të qëllimeve të saj”, ka shkruar Sveçla.
“Tentimi i saj për të hyrë në vendin tonë përveç që përkon me zhvillimet në veri të vendit, i dëshmon qartë lidhjet dhe propagandën ruse të cilës i është bashkuar tashmë Serbia dhe që kanë për qëllim destabilizimin e vendit tonë”, përfundon Sveçla.
Lidhur me këtë ndalim ka shkruar edhe Reuters, duke thënë se Rusia aleati kryesor i Serbisë.
“Rusia është aleati kryesor i Serbisë dhe njëjtë sikur Beogradi, është kundër pavarësisë së Kosovës”, shkruan Reuters.
Në këtë artikull, prestigjiozja përmend edhe situatën e tensionuar dhe sulmin e djeshëm ndaj Policisë së Kosovës.
“Kosova i është bashkuar ndëshkimeve të Bashkimit Evropian dhe SHBA-së kundër pushtimit rus të Ukrainsë dhe tashmë ka vendosur sanksione”, theksohet aty.
