Rooney: Dua të bëhem kapiten i United

Ylli i Manchester United, Wayne Rooney, dëshiron që të bëhet kapiten i klubit, por këmbëngul se ai do të respektojë vendimin e Van Gaal nëse e zgjedh dikë tjetër.

Rooney është i bindur se mund të përmirësohet forma e United këtë sezon nën drejtimin e Van Gaal, por ai ka shprehur hapur dëshirën për t’u bërë kapiteni i ekipit.

“Natyrisht se ne mund ta fitojmë titullin. Sezoni i kaluar ishte i keq, ne e dimë këtë, por ne jemi të bindur se do të përmirësohemi. Ne duhet të besojmë se mund të fitojmë titullin”.

“Natyrisht se dua të jem kapiten, por ky është vendimi i menaxherit se kë e zgjedh ai. Ai dëshiron të punojë me lojtarët e më pas ta zgjedhë kapitenin”.

“Nuk mendoj se do të zgjedhë kapitenin vetëm ashtu. Do të shikoj mirë dhe do të marrë vendimin brenda pak javësh”, ka thënë Rooney.