Rreth 20 kandidatë në garën për drejtor i Përgjithshëm i RTSH

Sot ishte afati i fundit i paraqitjes së aplikimeve dhe platformave në garën e shpallur nga Këshilli Drejtues i RTSH për vendin vakant të drejtorit të Përgjithshëm të Radio Televizionit Publik Shqiptar. Personalitete nga sfera të ndryshme të jetës artistike dhe shoqërore të vendit kanë paraqitur interesin e tyre për të marrë përsipër barrën e reformimit të këtij institucioni. Nga burime brenda RTSH mësohet se numuri i aplikuesve është i madh, rreth 20 vetë.
Nga emrat e përmendura për këtë garë janë  rektori i Universitetit të Arteve Petrit Mlaj, gazetari dhe pedagogu Ilir Yzeiri, drejtoresha aktuale e Televizionit dr. Mirela Oktrova, gazetari Thoma Gëllci, shkrimtarja Elvira Dones, ish drejtoresha e Teatrit të Operas dhe Baletit Zana Cela,gazetari Sokol Terihati dhe shumë të tjerë. Gjithshtu pritet të provojë forcat për herë të dytë edhe ish drejtori i përgjithshëm i RTSH Artur Zheji.
Këshilli Drejtues i RTSH ka përcatuar procedurat që do të ndiqen për zgjedhjen e drejtorit të ri. Kështu të gjithë kandidatët do të thërriten në një seancë të posacme të Këshillit ku ata do të mbrojnë idetë e tyre si dhe do t’u përgjigjen pyetjeve të ndryshme.
Drejtori do të zgjidhet me votim të fshehtë midis jo më pak se dy kandidaturave.Kandidatit fitues do t’i duhet të marrë 2 të tretat e votave të anëtarëve të Këshillit prej 11 vetësh, domethënë për zgjedhjen e drejtorit të ri do të duhen jo më pak se 8 vota.
Këshilli drejtues është ndërtuar në një balancë prej dhjetë anëtarësh, pesë nga pozita dhe pesë nga opozita. Anëtari i 11 është edhe kryetari i këtij Këshilli, juristi i njohur Kristaq Traja, i zgjedhur në Kuvendin e Shqipërisë me votat e deputetëve të mzhorancës.Në balancën e votave dhe nivelin e kandidatëve , është tepër e vështirë të parashikohet përfundimi i kësaj gare.

Emrat e kandidatëve që kanë aplikuar deri me tani janë:

• Elvira Dones
• Elton Metaj
• Manuela Kotini
• Tom Nakuçi
• Sokol Terihati
• Zana Çela
• Petrit Malaj
• Skendi Drenova
• Thoma Gëllçi
• Ilir Yzeiri
• Artan Mullai
• Mirela Oktrova
• Anila Varfi
• Laureta Rroshi
• Artur Bejzade
• Ilir Sinanaj
• Kleard Duraj