RTSH: Asnjë nga dy kandidatët nuk merr shumicën e votave
Këshilli Drejtues i RTSH-së as te enjten nuk arriti të zgjedhë Drejtorin e Përgjithshëm të këtij institucioni, pasi asnjë prej dy kandidatëve,Thoma Gëllçi dhe Petrit Malaj , nuk arritën të sigurojnë shumicën e votave.
Në mbledhjen e sotme, e treta në rradhë për zgjedhjen e drejtuesit të RTSH-së, asnjë nga dy kandidatët në garë, Thoma Gëllçi dhe Petrit Malaj nuk arritën të siguronin kuorumin e nevojshëm prej 7 votash. Gëllçi mori 6 vota kundrejt 5 votave që mori kandidati tjetër Malaj.
Një javë më parë anëtarët e Këshillit Drejtues të RTSH-së zhvilluan nje tjeter proces votimi, por qe nuk arriten te zgjidhnin asnje prej kandidateve per shkak te mosplotesimit te kuorumin e nevojshëm prej 7 votash, qe duhen për zgjedhjen e Drejtorit.
Konkursi për drejtues të RTSH-së ka qenë i hapur nga data 1-10 qershor, kohë në të cilën kandidatët kanë pasur mundësi të dorëzojnë pranë Këshillit Drejtues të Televizionit Publik Shqiptar, një CV ku paraqitnin platformën e tyre e një plan menaxhimi për institucionin.
Drejtori i Përgjithshëm i RTSH-së zgjidhet me 2/3 e votave të anëtarëve të Këshillit Drejtues për një mandat pesë vjeçar.
Nese kliko me poshte mund te gjeni platformat e dy kandidateve
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.