Saimir Tahiri, padi Edi Palokës për shpifje

Ministri i Brendshëm, Saimir Tahiri, ka paditur për shpifje kreun e Grupit Parlamentar të Partisë Demokratike, Edi Paloka.

Pas daljes nga gjykata, Tahiri u shpreh për mediat: “U paraqita në Gjykatën e Lartë për t’i dhënë mundësi zotit Paloka për të vërtetuar ato që ka thënë për personin tim. Por, zoti Paloka nuk u paraqit me pretekstin se nuk ka marrë njoftim. Prirem ta besoj, por shpresoj që seancën tjetër ta marrë njoftimin dhe të gjejë kurajon të vijë e të vërtetojë akuzat. Në të kundërt, të mbajë përgjegjësi për shpifje”.

Më tej, ministri i Brendshëm shtoi se nuk mund të pranojë një drejtësi me dy standarde.

“Nuk mund të pranoj një drejtësi për të varfërit që dënohen dhe një drejtësi tjetër për të pasurit që amnistohen”, tha Tahiri.