Senati miraton ndalimin e përdorimit të rrjeteve sociale për nën 15-vjeçarët

Senati francez ka miratuar një projektligj që ndalon përdorimin e rrjeteve sociale për fëmijët nën moshën 15 vjeç, një nismë e mbështetur fort nga presidenti Emmanuel Macron.

Ligji u votua mbrëmë nga Dhoma e Lartë e parlamentit, por me disa kushte dhe ndryshime që tregojnë dallime juridike mes senatorëve dhe qeverisë.

Megjithatë, qëllimi kryesor mbetet i njëjtë: kufizimi i aksesit të të miturve në platforma si Instagram, TikTok dhe Snapchat.

Kjo masë është pjesë e prioriteteve të fundit të mandatit presidencial të Macron, i cili është përfshirë personalisht në këtë çështje.

Qeveria synon ta zbatojë ndalimin që në fillim të vitit të ri shkollor.

Megjithatë, në Senat janë shfaqur rezerva, sidomos për mënyrën praktike të zbatimit të ligjit dhe përputhjen e tij me të drejtat individuale dhe rregullat evropiane.

Nëse hyn në fuqi, Franca do të bëhej një nga vendet e para në botë që vendos një ndalim kaq të rreptë për rrjetet sociale tek të miturit, duke ndjekur shembullin e Australia dhe Indonesia, të cilat kanë ndërmarrë masa të ngjashme së fundmi.

Debati mbetet i hapur mes mbrojtjes së fëmijëve dhe respektimit të lirive individuale në epokën digjitale./  /Ad.Ab./ a.jor.