SHBA, defekti lë në tokë avionët e “United Airlines”
Një problem kompjuterik uli në tokë mbrëmjen e së dielës fluturime të brendshme të “United Airlines”. Ato ndërkombëtare nuk patën asnjë problem.
Kompania ajrore njoftoi përmes rrjetit social “Twitter” se, të gjithë ngërçin e kishte shkaktuar një “çështje IT-je”.
CNN kujton se, edhe në muajin tetor, “United” i vonoi me disa orë fluturimet e saj, pas problemeve me sistemin e raportimit të peshës, ndërsa në qershor “software”-i i përdorur për planin e fluturimit doli shkurtimisht jashtë funksionimit, e një muaj pas kësaj, po një problem kompjuterik bllokoi aksesin te të dhënat e rezervimeve.
“United Airlines” nuk është, megjithatë, e vetmja linjë arjore në Shtetet e Bashkuara që përjeton situata të tilla. Një sërë linjash të tjera kanë hasur në probleme të ngjashme vitin e kaluar, e një pjesë e tyre ia kanë hedhur fajin kompanisë së “software”-eve “Sabre Corp”, me qendër në Teksas.
