SHBA: Zgjatja e Vetingut, hap i rëndësishëm përpara për të gjithë shqiptarët
Ambasada e Shteteve të Bashkuara të Amerikës përshëndeti sot votimin në Kuvend për zgjatjen e mandatit të organeve të Vetingut.
“Shtetet e Bashkuara përshëndesin miratimin e zgjatjes së mandatit të Vetingut në Parlament”, thuhet në një deklaratë për mediet.
“Ky është një hap i rëndësishëm përpara për të gjithë shqiptarët – drejt një sistemi drejtësie më të fortë, më të besueshëm dhe drejt integrimit evropian”, thuhet në deklaratë.
“Shtetet e Bashkuara do ta mbështesin gjithmonë Shqipërinë përgjatë kësaj rrugë të rëndësishme”, përfundon deklarata e Ambasadës së SHBA.
Ambasadorja amerikane në Tiranë, Yuri Kim nga ana e saj, theksoi se amendamenti me mbështetje dërrmuese.
“Amendamenti për zgjatjen e Vetingut kishte nevojë për 94 nga 140 vota. Kaloi me mbështetje dërrmuese: 118 pro, 0 kundër, 4 abstenime”, u shpreh Kim.
