Sheshel sot në Kosovë?
Sot lideri i Partisë Radikale Serbe, Vojisllav Sheshel, paraqitet në Mitrovicën Veriore për të mbajtur fjalim në tubimin që është thënë se do ta organizojë partia e tij me fillim nga ora 12:00. Atëherë organet e rendit do ta arrestojnë menjëherë atë.
Këtë e ka konfirmuar për KlanKosova.tv edhe Ushtruesi i detyrës i ministrit të Punëve të Jashtme, Petrit Selimi.
”E kemi ndaluar hyrjen e tij në Kosovë, ndërsa Policia e Kosovës është ajo e cila do të veprojë”, ka thënë për Selimi në një prononcim të shkurtër.
Partia Radikale Serbe ka paralajmëruar se do të zhvillojë një tubim të martën (sot), nga ora 12:00, kurse disa media kanë raportuar se aty do të marrë pjesë edhe lideri i partisë – Sheshel.
Por, nëse ndodh të shfaqet politikani serb që akuzohej për krime lufte, atëherë ashtu siç edhe kanë thënë më herët nga Qeveria e Kosovës, ai do të arrestohet po sa të shkelë në territorin e Republikës së Kosovës.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.