Shkodër, plagos me thikë punonjësin e BKT, arrestohet 45-vjeçari

Policia e Shkodrës ka vënë në pranga një 45-vjeçar pasi ka plagosur me armë të ftohtë një punonjës banke në këtë qytet. Zamir Bilali, 45 vjeç, banues në lagjen “Kongresi i Përmetit”, u vu në pranga pasi në ambientet e Bankës Kombëtare Tregtare dega Shkodër, lagja ‘Vasil Shanto’, për motive të dobëta ka plagosur me armë të ftohtë thike duke i shkaktuar dëmtime në anën e majtë afër zemrës punonjësin e bankës  M.L, 58 vjeç, banues në lagjen “Skenderbeg”, Shkodër.

Në vendin e ngjarjes  është bërë sekuestrimi në cilësinë e provës materiale i thikës me të cilin ky shtetas ka kryer veprën penale.

Materialet i kaluan Prokurorisë për veprën penale të “Vrasje me dashje mbetur tentativë”.